प्रिय समाज बंधु आणि भगिनी,

संपुर्ण देशातील व महाराष्ट्रातील जनते प्रमणेच मुंबई ठाणे जिल्ह्यातील समाज बांधव सुद्धा गेल्या अडीच महिन्यांपासून लॉक डाऊनमुळे घरी बसून आहेत. त्यांचे उदरनिर्वाहाचे प्रश्र्न निर्माण झाले असतानाच कल्याण मुंबई येथील समाज बांधवांनी जिरे माळी समाज सेवा संघाचे संस्थापक श्री नारायण नवले यांच्या नेतृत्वाखाली बाळु सावळे, किरण पगारे, पायघन साहेब, कल्याण मधील अनेक समाज बांधव, मोहन घरटे संजय ढोले, व अन्य बांधवांच्या वैयक्तिक आर्थिक सहकार्यातून जवळपास १ लाख रुपयांचे जिवनावश्यक वस्तुंचे किट्सचे वाटप कल्याण, उल्हासनगर, डोंबिवली, भांडुप, ऐरोली, मालाड येथील ९० कुटुंबाना घरपोच देऊन अडचणिच्या काळात मदत केली आहे. संस्थेचे अध्यक्ष डॉ कानडे साहेब यांनी देखील आर्थिक मदत दिली.

दि. २३ आगस्ट २००७ रोजी जिरेमाळी समाजाने जिरेमाळी समाज बांधवांच्या हितासाठी स्थापन केलेल्या जिरेमाळी समाज सेवा संघ या समाजाच्या राज्यव्यापी संघटनेच्या स्थापनेनंतर जिरेमाळी समाजाचे http://www.jiremalisamaj.com हे संकेतस्थळ सुरु करुन सर्व समाज बांधवांसाठी खुले करतांना आम्हास खुप आनंद होत आहे.

समाजाचे हे अधिकृत संकेतस्थळ स्वत: तयार करून या पुढेही ते अद्यावत ठेवण्याची जबाबदारी ज्या आपल्याच नाशिक येथील समाजाच्या तरुणाने स्वत:हून घेतली आहे त्या श्री. प्रशांत सोनवणे व सौ. मिनल सोनवणे यांचे संस्थेच्या व आपणा सर्व समाज बांधवांच्या वतीने मी शत: आभार मानतो.

श्री. प्रशांत सोनवणे हे संगणक तज्ञ असुन त्यांनी स्वत: हे संकेतस्थळ तयार केलेले आहे. श्री. सोनवणे यांच्याप्रमाणेच समाजातील असंख्य तरुण संगणक क्षेत्रात कार्यरत आहेत. त्यातील काहींना मी या समाजकार्यासाठी आमंत्रितही केले होते. परंतु त्यांनी संकेतस्थळासाठी सांगितलेल्या खर्चामुळे हा उपक्रम सुरु करण्यास उशीर झाला. या पार्श्वभुमीवर श्री. प्रशांत सोनवणे यांनी स्व:खर्चाने प्राथमिक संकेतस्थळ तयार करुन ते समाजास नि:शुल्क अर्पण करणे ही बाब खरोखरच वाखाण्याजोगी आहे.

समाजाची म्हणजेच आपल्या सर्वांची ही वेबसाईट(संकेतस्थळ) जास्तीत जास्त चांगल्या रितीने डेव्हलप करण्यासाठी समाजातील इतर इच्छुक समाजबांधवांनी श्री. प्रशांत सोनवणे यांना मदत करुन समाजकार्यातील आपला हिस्सा उचलावा, असे या निमित्ताने आवाहन करीत आहोत.

नारायण नवले
संस्थापक व सरचिटणीस
जिरेमाळी समाज सेवा संघ